-- ADVERTISEMENT --
Gimando na sa Department of Transportation (DOTr) ang temporaryong pagpahunong sa operasyon sa tanang pampasaherong barko sa Aleson Shipping Lines Inc. human sa paglaunlod sa MV Trisha Kerstin 3 sa Basilan, nga gipanag-iyahan usab sa maong kompanya.
Sumala kang DOTr Acting Secretary Giovanni Lopez, iyang gihatagan na og mando ang Maritime Industry Authority (MARINA), uban ang Philippine Coast Guard (PCG), nga magpatuman og maritime audit sa tanang barko ug crew sa Aleson Shipping Lines Inc.
Dugang pa sa kalihim, magahimo usab ang ahensya og halapad nga imbestigasyon sa insidente nga nahitabo sa Basilan.
Gipasalig ni Lopez nga patubagon ang tanang responsable, gikan sa han-ay sa shipping company o sa gobyerno kung mapamatud-an nga sad-an.
