Posible pang mosaka ug ma-extend ang kasamtangang suspensyon nga giatubang ni Cavite 4th District Rep. Kiko Barzaga kon magpasaka og bag-ong ethics complaint ang House of Representatives batok sa kongresista.
Sumala kang Tingog Party-list Rep. Jude Acidre, gikonsidera na sa Kamara ang pagduso og laing ethics complaint batok kang Barzaga tungod sa iyang mga aksyon human ipatuman ang suspensyon kaniadtong Disyembre.
Kahinumduman nga gipasaka ang unang reklamo batok kang Barzaga niadtong miaging tuig tungod sa giingong “disorderly behavior”, nga naggikan sa iyang mga social media posts sa personal niyang mga account.
Samtang wala pa mahuman ug mapinal ang desisyon sa Kamara mahitungod sa panibag-ong reklamo, gilauman nga mahuman ang kasamtangang suspensyon sa kongresista sa Enero 30.
