Misaka na sa 32 ka mga tawo ang kumpirmadong nakabsan sa kinabuhi tungod sa pagdahili sa nagtapun-og nga basura sa Binaliw landfill, Cebu City.
Sumala sa labing bag-ong taho, anaa gihapon ang padayon nga search, rescue, ug retrieval operations.
Natala usab ang 18 ka mga samaran gikan sa insidente nga daling gidala sa mga ospital alang sa pag-atiman.
Niadtong Enero 13, gideklara sa Cebu City Council ang state of calamity aron mapadali ang pagresponde ug paghatag og ayuda.
Human niini, nagpagawas ang DENR-Central Visayas og cease-and-desist order batok sa Prime Integrated Waste Solutions, Inc., ang operator sa landfill, samtang ginaimbestigahan ang hinungdan sa trahedya.
Gideklara usab sa lokal nga panggamhanan ang Enero 16 isip Day of Mourning alang sa mga biktima.
Gitan-aw sa mga labor groups ug waste workers’ alliances ang insidente nga usa ka “man-made disaster”, nga resulta sa kapabayaan ug huyang nga pamalaod sa basura sa maong syudad.
