-- ADVERTISEMENT --
Andam na si Pinay tennis star Alex Eala alang sa gitawag nga rematch batok kang Donna Vekic sa Croatia sa Kooyong Classic sa Melbourne. Una nang napildi sa 20-anyos nga si Eala si Vekic sa ASB Classic.
Pagahimoon ang ikaduhang panag-atubang sa duha karong gabii, oras sa Pilipinas.
Ang maong exhibition tournament giisip ni Eala nga kabahin sa iyang pagpangandam alang sa mas dakong torneo nga Australian Open nga magsugod sa sunod nga semana.
Kahinumduman nga miabot sa semifinals round si Eala sa ASB Classic, ug kini maoy usa sa mga hinungdan sa pagsaka sa iyang ranking, nga karon naa na sa ika-49 nga pwesto sa kalibutan
