Gimanduan sumala pa ni U.S. President Donald Trump ang mga komandante sa special forces nga maghimo og plano alang sa posibleng pagsulong sa Greenland, sumala sa taho sa usa ka British nga mantalaan.
Tumong sumala pa niini nga sayo pa lamang mapugngan na ang Russia o China nga makakuha sa maong teritoryo.
Subay sa report, gitahasan kuno ni Trump ang Joint Special Operations Command (JSOC) nga maglatag og plano alang sa invasion, apan gisupak kini sa Joint Chiefs of Staff tungod sa legal ug mga isyu nga may kalabotan sa Kongreso.
Samtang gisupak usab sa mga lokal nga lider sa Greenland ang maong plano.
Ilahaang gipahayag nga dili nila gusto nga mahimong Amerikano o Dane, kondili gusto lamang nila nga magpabiling mga Greenlander.
Gibatikos usab sa Europa ang pahayag ni Trump, nga posibleng makapahatod og tensiyon sulod sa North Atlantic Treaty Organization (NATO) ug makadaot sa kalibutanong seguridad.
Una nang gibutyag ni Trump sa White House nga maghimo gayud sila og lakang mahitungod sa Greenland, gusto man kini sa mga taga-Greenland o dili, ug iyang gipaningkamotan nga kon dili kini mahitabo pinaagi sa diplomatikong paagi, buhaton nila kini sa mas istrikto o mas hugot nga pamaagi.
Sumala sa US President nga kon dili kini buhaton sa Amerika, posibleng sakupun sa Russia o China ang Greenland.
