Gikumpirma sa iyang suod nga kabanay nga namatay na si Dueñas, Iloilo Vice Mayor Aimee Paz Lamasan, samtang ginatambalan sa ospital kagahapon, Disyembre 31, 2025.
Si Lamasan gipailalom sa ikaduhang operasyon human siya masamad sa bala sa tuo nga bahin sa tiyan, nga giingong resulta sa accidental firing sulod sa iyang balay sa Puerto Real de Iloilo Subdivision, La Paz, Iloilo City, niadtong Disyembre 30, alas-7 sa buntag.
Sumala sa report, dali siyang gidala sa ospital ug gisulod sa operasyon aron maluwas ang iyang kinabuhi, apan wala na siya nakasugakod tungod sa komplikasyon gikan sa samad.
Ang pagkamatay ni Lamasan nagdala og dakong kasubo sa iyang mga katawhan ug sa ubang opisyal sa lalawigan.
Padayon gihapon ang imbestigasyon sa mga awtoridad aron matino ang eksaktong nahitabo sa sulod sa iyahang balay.
