Magpabilin gihapon nga buhi sa panumduman sa mga residente sa Davao ang dili makalimtan nga mga kagahapon sa labing karaan ug unang mall sa dakbayan sa Davao.
Gikatakda nga isirado na karong adlawa ang giisip nga unang mall sa syudad ang Victoria Plaza.
Subay sa advisory nga gipaguwa sa kompanya, pagsugod sa unang kwarter sa 2026, magsugod na sa pagtangtang sa mga gamit ug pagpanghipos sa baligya og materyales aron andamon ang lugar alang sa usa ka demolisyon.
Kahinumduman nga niadtong 2019 napalit sa NCCC ang maong mall og karon laing kompanya na usab ang nagdumala.
Kahinumduman usab nga niadtong Marso 16, 1993, ang Victoria Plaza giabrihan nga maoy usa sa nakahtod og kalambuan sa syudad.
Ang labing unang mall sa siyudad nga nahimong sukdanan sa kalihokan sa komersyo ug kultura sulod sa kapin tulo ka dekada.
Nasayran nga sa maong mall gipahigayon ang dagkong konsiyerto, pista sa komunidad, ug nahimong destinasyon sa pamilya ug mga batan-on sa wala pa mosikat ang digital nga panahon.
Dili usab makalimtan sa mga edaran og mga anaa na sa pangidaron nga kapin sa 40’s ang pangidaron ang mga kagahapon sa maong mall.
