Lauman ang pag-ulan sa pagsugod sa New Year’s Eve sa pipila ka bahin sa nasud tungod sa pagpatigbabaw sa tulo ka weather system.
Sumala sa state weather bureau, madag-umon nga kalangitan hangtod sa katag-katag nga pag-ulan ug isolated thunderstorms ang gilauman sa lalawigan sa Catanduanes tungod sa shearline.
Madag-umon usab nga kalangitan nga adunay pag-ulan ug thunderstorms ang gilauman sa Visayas, Mindanao, MIMAROPA, ug sa nahabilin nga bahin sa Bicol Region tungod sa easterlies.
Gipahimangnoan ang tanan tungod sa posible nga baha ug pagdahili sa yuta sa apektadong lugar.
Ang Northeast Monsoon o Amihan magdala sa isolated light rains sa Metro Manila ug sa nahibilin nga bahin sa Luzon, apan wala kini gilauman nga magdala og dako nga epekto.
Walay nakita usab nga daot nga panahon o LPA sulod ug gawas sa PAR.
