Gipahibalo sa pamilyang Regino ang pagpanaw ni Jimmy Regino, miyembro sa grupong April Boys ug igsuon sa namatay na usab nga icon nga si April Boy Regino.
Emosyonal nga gipahibalo ni Vingo Regino ang maong balita pinaagi sa usa ka video sa Facebook kagahapong adlawa diin wala niya mapugngi ang iyang mga luha sa pagkawala sa iyang igsuon.
Matud pa ni Vingo, usa kini ka masakit nga hitabo tungod kay dili na madungog ang tingog ni Jimmy nga naghatag og garbo sa ilang grupo kaniadto.
Gipahayag usab niya ang iyang lawom nga kaguol ug ang mga handumanan sa ilang panag-uban dungan sa pagkutlo sa mga lyrics sa ilang kanta nga “Ganyan Talaga ang Pag-ibig.”
Sa wala pa nipahuway sa dayon, dugay na usab nga na-ospital si Jimmy nga daw nagpaabot lamang og katapusang higayon nga makapananghid sa iyang pamilya.
