Gikumpirma ni Independent Commission for Infrastructure (ICI) Commissioner Rossana Fajardo niadtong Biyernes ang iyang resignation gikan sa maong buhatan nga maoy nag-imbestigar sa mga anomalya sa flood control, sugod karong Disyembre 31, 2025.
Matud ni Fajardo, nahuman na niya ang iyang mga buluhaton ug nasiguro nga nakab-ot ang mga batakang tumong sa komisyon sukad sa iyang pagkatudlo.
Gipahayag niini nga panahon na aron ibalhin ang mga responsibilidad sa pag-imbestiga ug pagpasaka og kaso ngadto sa Department of Justice ug sa Office of the Ombudsman.
Nagtuo ang opisyal nga kini nga mga ahensya ang mas takos nga mupahamtang og tulubagon batok sa mga sad-an nga kontraktor ug mga opisyal sa gobyerno.Usa na lamang ang nabilin sa upat ka mga miyembro sa Independent Commission for Infrastructure (ICI) nga gituboy ni Pres. Bongbong Marcos niadtong Septembre.
