Mga balay ugdaw sa sunog sa JAS, Davao Occidental

Ugdaw ang upat ka mga panimalay human sa nahitabong sunog sa Sitio Proper 2, Brgy. Carahayan, Jose Abad Santos (JAS), Davao Occidental atol sa adlaw sa pasko.

Subay sa report sa kabomberohan pasado alas Dusi sa udto nahitabo ang sunog giin paspas nga gilamoy sa kalayo ang mga panimalay tungod gama kini sa mga light materials.

Gilayon usab nga gi-respondehan sa kabomberohan ang panghitabo.Nasayran nga nagsimba ang mga tag-iya sa mga panimalay, apan sa ilang pag-uli misilaob na ang kalayo.

Padayon pa usab nga ginasuta ang hinungdan sa pagsilaob sa kalayo, ingon man ang kinatibuk-an nga danyos atol sa maong panghitabo.

Sa pagkakaron, nagapangayo usab og tabang ang mga residente tungod sa kalit nga panghitabo.