Nagpahimangno karon ang otoridad sa mga motorista nga magmatngon sa pagmaneho ug motuman sa balaod trapiko dinhi sa syudad aron makalikay sa disgrasya.
Kini ang nahimong tubag sa mga otoridad human sa nahitabong disgrasya sa coastal road ning syudad nga miresulta sa kamatayon niadtong nakalabay nga kaadlawon.
Kahinumduman nga nabangga sa poste ang 33-anyos nga biktima samtang nagmaneho sa iyahang motorsiklo.
Subay sa report sa kapulisan, giila ang biktima nga si Jojo Nawal Tacalan, 33-anyos, residente sa Lapuan, Don Marcelino Davao Occidental.
Sa imbistigasyon sa kapulisan, gikan sa Punta Dumalag ang biktima og padulong sa Talomo Cemento.
Sumala pa nga kalit nawad-an og kontrol ang biktima sa iyahang gmageho nga motorsiklo nga maoy hinungdan nga mibangga kini sa poste sa kuryente.
Gumikan sa kakusog sa pagkabangga, patay diha-diha dayon ang biktima tungod sa bun-og ug bali sa kalawasan nga iyahang nahiaguman.
