Gipasalig ni Pangulong Ferdinand Marcos Jr. nga anaa sa hapsay ug maayong kahimtang ang iyang mental well-being bisan pa sa kabug-at sa responsibilidad nga gidala sa pagkapresidente.
Sumala sa Punong Ehekutibo, dako ug dakong tabang ang iyahang dugay nga pag-uban sa iyang amahan nga si kanhi Presidente Ferdinand Marcos Sr. aron masabtan ang mga sakripisyo nga kauban sa maong posisyon.
Gipahayag sa Presidente nga importante ang pagpahulay, bisan og pipila lang ka oras, aron magpabiling klaro ug epektibo ang panghunahuna.
Kasagaran sumala pa niyang ginabuhat ang pag-ehersisyo isip usa ka paagi sa pagkuha sa stress.
Gibutyag usab sa Presidente nga dili siya dali mataranta kon adunay dakong problema nga iyahang giatubang.
Gipunting ni Pang. Marcos nga ang nagpadayon nga motibasyon sa iyang pagkapangulo mao ang tinguha nga makaserbisyo og dili personal nga interes.
Sa dihang gipangutana siya kon nakaingon ba kini nga mas maayo unta kon lahi siya’g klase nga pamilya natawo, paspas niining gtubag nga dili niya gustong ipanganak sa lain, ug giisip niya ang iyang kaugalingon nga “labing swerte nga tao” tungod sa iyang ginikanan ug sa mga kasinatian nga mihulma kaniya.
Bisan pa man iyang giangkon nga sa iyang pagkabatan-on, dili gyud niya gusto mosulod sa politika tungod sa kalisud nga iyang nakita sa kinabuhi sa iyang ginikanan, apan sa ulahi gaan nga gidawat niya ang dalan sa pagserbisyo sa publiko.
