Dili na magpahigayon og Christmas Party ang probinsyal nga kagamhanan sa Davao Del Sur human nga gideklara ni Davao del Sur Governor Yvonne Cagas kagahapong adlawa ang pagwagtang sa Christmas Party alang sa mga empleyado sa Provincial Capitol.
Sa usa ka video nga gipagawas sa Davao del Sur Information Officer nga si Sherwin Cesar, gikanayon ni Governor Cagas sa mga empleyado nga nagkasabot na ang mga Department Heads nga walay himoon nga Christmas Party karong tuiga.
Rason sumala pa sa walay mahitabo nga Chrismas Party tungod kini sa kamatayon sa Barangay Kapitan sa Tres de Mayo, nga si Oscar “Dodong” Bucol Jr.
Apan nasorpresa si Governor Cagas sa reaksyon sa mga empleyado.
Gilauman usab sa opisyal nga adunay mosupak sa maong desisyon apan adunay daghan sumala pa ang miuyon sa maong kasabutan.
