Isip klaro nga timaan sa kooperasyon sa katawhan ug responsableng pagpanag-iya og armas, malampusong gipahigayon sa Philippine National Police (PNP), ubos sa pamuno ni acting Chief PNP PLTGEN Jose Melencio C. Nartatez Jr., ang boluntaryong pagtahan sa 25 ka mga high-powered firearms kagahapon sa buntag sa Camp Crame.
Gipakita niini ang personal nga pagsurender ni Jesus P. Martinez, nga residente sa San Pedro Village, Buhangin, ning syudad sa Davao.
Nasayran nga sa 25 ka mga high-powered firearms, adunay 70 ka mga bala, 15 ka mga eksplosibo, ug upat ka mga magazine.
Sumala pa kapulisan nga boluntaryong gitahan ni Martinez ang mga armas.
Ang mga armas nga iyang gitahan ang gilangkuban sa lain-laing tag-as nga kalibre sa armas sama submachine guns, ug shotguns.
Lakip usab sa gitahan ang 70 ka mga bala ug 15 ka mga eksplosibo, lakip ang fragmentation grenades ug 40mm grenade launcher rounds nga karon anaa na sa kustodiya sa RECU11, lakip ang upat ka mga magazine.
Sumala pa sa otoridad nga ang nasampit nga mga armas lisensyado kaniadto apan nahimong ‘loose firearms’ tungod sa expired o lapsing nga permit.
Gipili sumala pa sa tag-iya nga boluntaryong isurender aron malikayan ang posibleng sayop nga paggamit.
Ang pipila niini nakuha pa kapin usa ka dekada ang milabay, samtang ang uban bag-o lamang nakuha nga nagpakita sa dugay na niyang pagtuman sa kaluwasan ug responsable nga pagpanag-iya sa armas.
Bisan pa nga giingon sa tag-iya nga ang mga armas kabahin sa iyang koleksyon o gigamit alang sa seguridad, ang dili sakto nga pag-atiman niini mahimong hinungdan sa peligro sa komunidad.
Nasayran nga ang tag-iya ang kasamtangan usab nga Chairman sa Advisory Group sa Integrity Monitoring and Enforcement Group (IMEG).
