Target ni Pangulong Ferdinand Marcos Jr. nga matanggal ang “kanser” sa kahiwi-an sa nasud.
Miangkon ang Pangulo nga tinuod adunay kagubot ug sakit ang mga reporma sa iyang administrasyon gumikan tumong niini nga bag-ohon ang tibuok sistema nga dugay na nga ginadumalaan sa kurapsyon.
Sumala sa Punong Ehekutibo, ang paghinlo sa lawom nga “kanser” sa gobyerno sama sa usa ka major surgery nga dili malikayan nga maghatag og kasakit.
Nangayo usab kini og pasaylo sa publiko sa mga epekto niini, apan giinsistir niini nga kung dili kini buhaton, magpadayon lamang ang mga sayop nga buhat sa miaging tulo ka dekada.
Gipahayag ni Marcos nga tataw sa iyang team ang direksyon nga ginasunod ug dili sila masaag sa dalan, ilabi na sa padayon nga kampanya batok sa korapsyon ug pag-abuso sa gahom.
Bisan lisod ang kahimtang karon, naglaum ang pangulo nga sa umaabot, masulti sa mga Pilipino nga “worth it” ang mga sakripisyo.
Gikanayon usab niini nga dugay man ang proseso, apan pinaagi sa padayon nga paningkamot, makab-ot gayud ang gusto nga maayong resulta.
