Nadakpan sa mga operatiba ang gikosidera nga mga High Value Target sa Regional Special Enforcement Team–Davao City ug Seaport Interdiction Unit–Toril sa Philippine Drug Enforcement Agency sa Davao Region (PDEA-11) ang duha ka mga suspetsado sa usa ka drug buy-bust operation sa droga sa Lanang ning dakbayan sa Davao.
Sumala sa report sa PDEA-11, ang operasyon nga gihimo kauban ang Davao City Police Mobile Force Company nahitabo alas 2:00 pasado sa hapon sa Dacudao Compound, JP Laurel Avenue ning dakbayan.
Nailhan ang dinakpan nga si alyas Ric, 44 anyos, diin unang napalitan sa usa ka undercover agent human mibaligya og usa ka vape nga adunay gidudahan nga marijuana oil nga nagkantidad og P4,000.
Samtang ang iyang kauban, nga nailhan lamang nga si Jack, nasikop usab sa operasyon.
Nakumpiska usab gikan kanila ang lain pang lima ka mga vape nga adunay nga marijuana oil, napulo ka sachet nga adunay gidudahan nga pina-uga nga dahon sa marijuana nga mitimbang og 455 gramos, unom ka sachet nga adunay gidudahan nga shabu nga nga adunay gibug-aton nga 70 gramos, mga gamit sa iligal nga droga, ang marked money nga gigamit sa operasyon.
Samtang nakumpiska usab ang usa ka M4 Carbine, usa ka 9mm Luger pistol nga adunay mga bala.
Sa kinatibuk-an gibanabanaan nga ang kantidad sa ilegal nga droga nagkantidad og P554,600.
Kasong pagsupak sa Comprehensive Dangerous Drugs Act of 2002 ug Comprehensive Firearms and Ammunition Regulation Act. ang gipasaka batok sa mga dinakpan.
