Gipahibalo ni US President Donald Trump nga gusto niining permanente nga hunungon ang migration sa US sa mga tawo nga gikan sa mga kabus nga nasod.
Kini human sa shooting incident nga nahitabo sa duha ka myembro sa National Guard sa Washington, D.C., diin usa ka Afghan national ang gihulagway nga nag-unang suspetsado.
Sa iyang online platform, gibutyag sa Presidente nga buhaton niya kini aron hatagan og higayon ang tibuok pag-recover sa nasod ug pahawaon ang minilyongihap sa illegal admissions nga gituohan nga nahimo sa nakalabay nga administrasyon ni Biden.
Matud niya, bisan kinsa nga dili “net asset” sa Amerika o dili makapakita og gugma sa nasod, palayason.
Sa una, gisaway ni Trump ang mga immigrant nga hinungdan sumala pa sa mga problema sa krimen hangtod sa kakulangon sa mga pabalay isip kabahin sa social dysfunction sa Amerika, ug gihangyo usab niini ang reverse migration o ang pagbalik sa mga migrants sa ilang nasod nga gigikanan.
