Nang-apod-apod ang Department of Agrarian Reform (DAR), ubos sa pagdumala ni Secretary Conrado M. Estrella III, og 2,215 ka Certificates of Condonation with Release of Mortgage ug 1,900 ka SPLIT E-Titles, kauban ang makinaryang panguma ug organic fertilizer nga mokabat og ₱48.5 milyon, karong adlawa Nobyembre 28, 2025, sa Sta. Cruz Gym sa Davao del Sur.
Gipasabot sa DAR nga ang maong distribusyon usa ka dakong bahin sa implementasyon sa New Agrarian Emancipation Act, nga nagkupos sa dugay nang gipasan nga amortization, penalties ug surcharges sa Agrarian Reform Beneficiaries sa rehiyon.
Gituohan sa departamento nga pinaagi sa pagtugyan og titulo, pagpawagtang sa utang, ug pagpanghatag og modernong gamit sa uma, mas lig-on ang panginabuhian sa mga rural communities sa Davao Region.
Lakip sa gipanghatag sa Sta. Cruz ang condonation nga mokabat og ₱107.7 milyon, nga naglangkob og kapin 2,500 ka ektarya alang sa 1,794 ka ARBs.
Apil usab sa turnover ang 1,900 ka E-Titles nga naglangkob og kapin 2,885 ka ektarya sa nagkalain-laing lugar sa rehiyon. Sa provincial distribution, makita nga ang Davao City nakadawat og 214 ka CoCROMs ug 130 ka E-Titles.
Davao de Oro mao ang pinakadako og ihap sa CoCROMs, molabaw sa 600 ka buok, ug adunay kapin 750 ka ektarya nga maapil sa pasaylo’ng utang.
Samtang ang Davao Oriental pinakadako og E-Titles nga molabaw og 1,000 ka titulo nga naglangkob og 1,600 ka ektarya. Davao del Norte adunay 500 ka CoCROMs ug 613 ka E-Titles, samtang Davao del Sur nakadawat og 301 ka CoCROMs ug pipila ka E-Titles nga molabaw og 70 ka ektarya. Ang Davao Occidental, bisan mas gamay, nakalista og kapin 150 ka CoCROMs ug kapin 100 ka E-Titles.
Kauban sa titulo ug condonation, ipangapod-apod sab ang 28 ka yunit sa makinaryang panguma nga naglakip og mga solar pump, hauling trucks, delivery truck, mini tractor, tractors, combine harvester, ug power station.
Ang Davao City makadawat og solar pumps ug hauling truck; ang Davao de Oro ug Davao del Norte makadawat og tractors ug solar pumps; ang Davao del Sur makadawat og mga trucks ug tractors; ang Davao Occidental makadawat og 4×2 hauling trucks; ug ang Davao Oriental makadawat og solar pumps, tractor, delivery truck ug combine harvester.
Mahimong ibton usab sa mga ARBOs sa Davao City, Davao del Sur, ug Davao de Oro ang ilang bahin s
