13 ka tawo patay sa sunog sa Hong Kong

Mokabat sa 13 ka tawo ang namatay sa sunog nga nahitabo sa mga naglinya nga mga high-rise building sa Hong Kong.

Nahitabo ang sunog sa 10 ka high-rise apartment buildings sa Tai Po district.

Gikabutyag nga nagsugod ang kalayo sa Wang Fuk Court apartment complex pasado alas-3 kaganihang hapon diin nagpuyo ang dul-an 5,000 ka mga residente.

Lakip sa namatay ang usa ka 37-anyos nga bombero.

Samtang anaa sa kapin sa 700 ka mga bombero ang nagtinabangay aron mapalong ang kalayo.

Adunay 28 usab ka mga tawo nga nasamdan sa insidente ug gidala dayon sa ospital alang sa pagpatambal.

Sapagkakaron nagpadayon ang paningkamot sa mga kabomberohan sa pagpalong sa kalayo, bisan pa man nga pito sa walo ka building ang nasunog.