Mibalik og operasyon ang river mining sa Sumilog, Barangay Marayag, Lupon, Davao Oriental, apan dali ra usab kini nasikop sa aksyon sa Task Force Marayag sa dihang gi-obserbahan ang iligal nga aktibidad sa daplin sa suba.
Gipahigayon sa task force ang operasyon sa lugar, uban sa istrikto nga pagpatuman sa Executive Order No. 72, Series of 2025, nga nagmando sa provincewide crackdown sa unauthorized mining, hauling, ug transport sa sand, gravel, ug uban pang minerales. Sa maong aksyon, gipang-kumpiska ang daghang sakong minerals nga narekober gikan sa iligal nga operasyon.
Nagkanayon ang provincial LGU nga dili nila tugotan ang bisan unsang aktibidad nga makadaot sa kinaiyahan, ug nagpangayo sa kooperasyon sa publiko sa pag-report sa bisan unsang iligal nga pagmimina. Giingon usab nga padayon ang monitoring ug law enforcement aron masiguro nga maprotektahan ang mga suba ug kalikupan sa Davao Oriental.
Dugang pa, gipunting sa task force ang paglikay sa mga environmental hazard ug sa pagpreserbar sa natural resources, samtang gihagit ang tanan nga magsunod sa balaod ug ordinansa aron malikayan ang samok ug kadaut sa komunidad.
