Patay ang tulo ka trabahante gumikan human sa nahitabong soil erosion sa usa ka excavation site sa Purok 3, Barangay Ibo, Malalag, Davao del Sur niadtong Nobyembre 10, alas 3 sa hapon, samtang nagbuhat sila og treasure-hunting activity.
Subay imbestigasyon sa Malalag Municipal Police Station nga ang mga biktima giila nga mao sila si Glenn Eral Sasuman gikan sa Digos City, si Nario Gesola Otida usab sa Digos City, ug si Simaco Sabac Quisaot, 63 anyos, nga pulos gikan sa Padada, Davao del Sur.
Sumala sa inisyal nga report, nagsugod ang excavation mga alas 8 sa buntag ubos sa pagdumala sa kontraktor nga si alias Jerson ug tag-iya sa yuta nga si alias John, apan mga ala 1 sa hapon kalit nga midahili ang yuta ug gilayong natabunan ang mga trabahante.
Naglusad dayon ang Malalag MPS, kauban ang Municipal Disaster Risk Reduction and Management Office ug mga opisyal sa Barangay Ibo, og retrieval operations nga nagpadayon hangtod sa gabii.
Samtang ang kontraktor ug tag-iya sa yuta gidala sa MPS alang sa tukmang aksyon ug imbestigasyon ug aron masuta kung aduna bay mga paglapas sa balaod.
Gipahimangnoan sab sa chief of police ang publiko nga sundon ang environmental ug safety regulations ug likayan ang walay otorisadong excavation o treasure-hunting aron malikayan ang kapeligrohan sa kinabuhi.
Padayon karon ang Malalag MPS sa koordinasyon sa lokal nga awtoridad aron mahuman ang retrieval operations ug masiguro ang komprehensibong imbestigasyon sa insidente.
