Natala sa Philippine National Police (PNP) ang zero crime incidents sa Davao Oriental human sa pag-igo sa duha ka sagunson nga kusog nga linog sa lalawigan.
Sumala ni PNP Community Affairs Division Chief PCol. Esmeraldo Osia Jr., walay bisan unsang krimen o bisan pagpangawat (looting) nga natala sa lalawigan bisan pa sa mga kusog nga paglinog nga nahitabo.
Gawas pa niini, nagdeploy na usab ang kapulisan og kapin sa 2,000 ka mga pulis sa Davao Oriental isip kabahin sa pagpatuman sa kahapsay ug seguridad sa mga evacuation centers ug sa tibuok lalawigan sa Davao.
Kini gawas pa sa mga Reactionary Standby Support Force, nga nakastandby aron maghatag og dugang pwersa kung kinahanglanon pa sa mga operasyon nga gihimo sa maong lugar.
Samtang, nagpadayon gihapon ang PNP sa ilang pagbantay ug pagmonitor sa mga bag-ong update ug sa kasamtangang kahimtang sa mga residente sa nasangpit nga lalawigan.
