Na-Trauma nga mga estudyante tungod sa linog, tabangan sa CSWDO

Gianunsyo sa City Social Welfare and Development Office (CSWDO) ang ilang kaandaman sa paghatod og Psychosocial Support Services sa mga pampubliko ug pribadong tulunghaan human sa nahitabong kusog nga linog.

Sumala ni Julie Dayaday, Hepe sa CSWDO, tinguha sa Psychosocial Support Services ang paghatag og emosyonal ug sikolohikal nga tabang sa mga estudyante nga nakasinati og kahadlok o trauma human sa linog pinaagi sa mga trained social workers ug psychologists, nga mahimong ma-avail pinaagi sa pag-contact o pagbisita sa pinakaduol nga CSWDO District Office.

Giawhag ni Dayaday ang kooperasyon sa mga ginikanan ug school administrators sa pagpahimulos sa maong serbisyo aron gilayong mapaabot ang tabang sa tanan nga nanginahanglan.