Nag-awhag si Senador Ronald “Bato” Dela Rosa sa mga Dabawenyos nga apilon sa ilang mga pag-ampo si kanhing Presidente Rodrigo Duterte, samtang gisaulog ang ika-40 nga Kadayawan Festival sa San Pedro Square kagahapong adlawa, Agosto 17, 2025.
Matod pa ni Dela Rosa, mas malipayong pagsaulog unta ang Kadayawan kon personal nga nakatambong ang kanhing pangulo sa kalihukan.
Gipadayag niya nga ang pahayag nagpasiugda sa dakong pagrespeto ug pagpasalamat sa mga kontribusyon sa kanhing Mayor sa kalamboan sa Davao City, ilabi na sa pagpasiugda sa kultura, turismo, ug tradisyon nga nagpalig-on sa identidad sa siyudad.
Gipahimangnoan usab ni Dela Rosa ang katawhan labot sa kahayag sa pagkahiusa ug pagtinabangay, ug gihangyo ang tanan nga ipakita ang pagmahal sa kultura pinaagi sa pag-apil sa mga kalihukan sa selebrasyon, sama sa Pamulak ug Indak-Indak sa Kadayawan, nga nagpasundayag sa kolorful nga mga float, sayaw, ug ritwal gikan sa lumad ug moro nga tribo sa Mindanao.
Ang ika-40 nga Kadayawan Festival dili lamang usa ka selebrasyon sa ani ug kultura, apan usa usab ka oportunidad alang sa komunidad ug mga bisita sa pagpasalamat sa kaayohan sa siyudad ug sa paghatag og dungog sa mga nag-una sa pagpalambo sa Davao.
Ang kalihukan gihalad sa katawhan ug naghatag og dakong kalipay ug inspirasyon sa tanang nanan-aw.
