Gikumpirma sa Philippine National Police (PNP) nga bukog sa tawo ang nakuhang nakasulod sa mga sako nga gilabay sa Taal Lake didto sa Talisay, Batangas.
Matod ni PNP Chief Gen. Nicolas Torre II, kini ang resulta sa inisyal nga imbestigasyon sa ilang mga eksperto sa PNP.
Dugang pa niya, posible usab nga may nasagol nga bukog sa mga hayop sa mga nadiskubre sa maong lugar.
Sa kinatibuk-an, lima ka sako na ang narekober gikan sa Taal Lake ug kini ilang gipang-ampingan pag-ayo nga mga ebidensya. Gidala na kini sa forensic group aron buhaton ang cross-matching sa DNA samples sa mga nahanaw nga sabungero.
Sa pagkakaron, dose (12) ka pamilya sa mga na-missning nga sabungero ang nakahatag na og DNA samples aron i-crossmatch sa mga nadiskubreng bukog sa Taal Lake.
