Padayon ang pagkaylap sa tanang klase sa monkeypox virus (MPXV) sa pipila ka mga nasud, nga nagmugna og risgo sa padayon nga transmisyon sa komunidad.
Sa pagkakaron, 19 ka mga nasud sa Africa ang adunay aktibong mpox transmission, diin lahi-lahi nga clade sa virus ang natala sa West, Central, ug East Africa.
Bisan pa man nga mikunhod ang gidaghanon sa kumpirmadong kaso sa tibuok kontinente, ilabi na sa Sierra Leone ug Democratic Republic of the Congo, nagpadayon gihapon ang hagit sa access sa testing.
Misaka usab ang kaso sa West Africa, ilabi na sa Guinea, Liberia, ug Togo, tungod sa pagkatag sa clade IIb MPXV.
Sa China, adunay siyam ka bag-ong kaso sa clade Ib MPXV, apan wala pa’y kasiguruhan ang kahimtang sa transmisyon niini.
Gireport usab sa Türkiye ang usa ka kaso sa clade Ia MPXV nga gikan sa usa ka biyahero niadtong Oktubre 2024, apan wala nay natalang secondary cases.
