Nag-deploy na og mga rubber boat ang Philippine Coast Guard (PCG) sa Taal Lake sa munisiplidad sa Talisay, Batangas kaganihang buntag isip kabahin sa ilang search and retrieval operation nga adunay kalabotan sa kaso sa mga nawawala nga sabungero .
Kauban ang Department of Justice (DOJ) ug ang Philippine National Police-Criminal Investigation and Detection Group (PNP-CIDG), ang maong pagsusi sa lawom nga bahin sa lawa nga nagsilbing inisyal nga pagpangita sa posibleng mga nahabilin sa mga biktima, kin i subay sa testimonya sa whistleblower nga si Julie Patidongan o mas nailhan nga si alyas “Totoy.”
Kahinumduman nga sa miaging pahayag, giangkon ni Totoy nga nalambigit sa maong kaso ang negosyanteng si Atong Ang ug ang aktres nga si Gretchen Barreto apan, gi-deny sa duha ang mga alegasyon.
Sumala usab ni Justice Assistant Secretary Mico Clavano, nga adunay mga eksperto nga nagkanayon nga posible pa gyud nga makit-an ang mga “remains” sa mga nahanaw nga sabungero tungod ang Taal Lake usa ka freshwater.
Apan, iyang giklaro nga karong adlawa, Hulyo 10, dili pa mosalom ang Philippine Coast Guard (PCG), ug maghimo pa lamang sila og inspeksyon sa parte sa lawa diin ipahigayon ang search and retrieval operations.
