Gibawi na nila Sharon ug sa iyang bana nga si Senador Kiko Pangilinan ang reklamo nga kasong cyber libel batok sa usa kang Cristy Fermin human nga magkasinabot ang duha ka partido atol sa ilang pagtagbo sa korte niadtong Hulyo 8.
Kini ang gipahibalo sa talent manager ug host nga si Ogie Diaz sa iyang Facebook post, diin nag-upload kini og hulagway sa tulô.
Matod ni Ogie, ang pagkahuman sa ilang panagbangi misunod sa gihimong public apology kon pagpangayo og pagpasaylo ni Cristy Fermin pinaagi sa iyang YouTube channel.
Kahinumduman nga niadtong Oktubre 2024, gikasuhansi Cristy Fermin sa lima ka kaso sa libelo nga gisang-at batok kaniya sa magtiayong Pangilinan niadtong Mayo sa nakalabay nga tuig.
Ang mga kaso gibase sa usa ka report ni Fermin niadtong 2023 sa iyang online show nga adunay kalabotan sa pamilyang Pangilinan.
