Bata sa Thailand, pagpaghot ang komunikasyon?

Usa ka 8-anyos nga bata sa probinsya sa Uttaradit, Thailand ang nakat-on og pagpaghot ug pagsundog sa lihok sa mga iro human kini mapasagdan sa iyang inahan ug igsuon nga susama sumala pa nga nalambigit sa paggamit og iligal nga droga.

Sumala sa report, halos tibuok adlaw kuyog sa bata ang mga iro, nga murag nahimong iyaha na nga kasandigan sa pagpakita og kalinga ug atensyon.

Nadiskobre sa Foundation for Children and Women, uban sa tabang sa lokal nga kapulisan, nga positibo sa droga ang inahan ug igsuon sa bata ug wala’y pagtagad sa iyang kahimtang.

Gidala na si “A” sa Uttaradit Children’s Home, diin siya gitabangan nga makakat-on sa komunikasyon ug mapasulod sa eskwelahan aron dili na mopaghot susama sa usa ka iro.