Gipahibalo sa PAGASA nga ang ginabinantayang Low Pressure Area (LPA) sulod sa Philippine Area of Responsibility (PAR) nahimo na nga usa na ka opisyal nga bagyo nga ginganlan kini og Bagyong Bising.
Subay sa pinakabag-ong datos sa PAGASA, nakita ang sentro sa bagyo sa dapit sa 200 kilometros West Northwest sa Calayan, Cagayan.
Adunay kini kusog nga hangin nga 45 kilometros matag oras ug pagbugso nga makaabot usab sa 55 kph
Gumikan niini, gilauman nga makasinati og mga pag-ulan ang Central ug Southern Luzon, Visayas, ug Mindanao.
Gipahimangnoan sa PAGASA ang publiko nga magbantay batok sa posible nga pagbaha ug landslide ilabi na sa mga lugar nga kanunay makasinati og katalagman.
Padayon ang pagbantay sa lihok sa bagyo ug gilauman ang dugang impormasyon sa sunod nga mga oras.
