Usa ka lalaki sa Texas ang nakurat pagkahibalo nga kasado na diay kini sa iyang kanhing uyab nga wala siya kahibalo.
Sumala ni Beverly Hills Police Chief Kory Martin, nadawat sa 42-anyos nga lalaki ang usa ka package gikan kang Kristin Marie Spearman, 36, nga adunay sulod nga marriage certificate ug usa ka note nga nag-ingon, “Congrats, maybe call your wife.”
Sa imbestigasyon, nasayran nga giingnan o gikombinse ni Spearman ang usa ka pastor nga pirmahan ang marriage certificate bisan wala ang lalaki ug wala kini’y pagtugot gikan sa iyang bahin.
Human niini, iyang gi-rehistro ang kasal sa county clerk’s office.
Gumikan niini, gidakop si Spearman ug giakusahan og third-degree felony stalking, apan gibuhian ra usab kini pinaagi sa piyansa ug gihatagan og emergency protective order.
Ang pastor, nga natintal sa pagpirma, nakigtambayayong na karon sa mga awtoridad ug mipadayag sa iyang dako nga pagbasol.
