Gitubag ni Congressman Pulong Duterte ang mensahe ni Outgoing First Dist.Councilor Nilo “Small” Abellera pinaagi sa pagtimbaya niini og “Happy Birthday Small”.
Kini nga tubag ang usa ka mubo apan makahulugan gikan sa Kongresista nga nagkabulag gumikan sa mga isyu nga ilahang gikalambigitan.
Kahinumduman nga atol sa kataposang sesyon sa 20th City Council niadtong Martes,nagpadayag nagpahayag sa si Konsehal Abellera og mahinungdanong mensahe alang kang Congressman Duterte nga sumala pa sa nahisgutan nga “bisan pa man ug magkalain-lain na ang ilahang agianan, naglaum gihapon kini nga magpadayon kini sa tinuod nga pag-alagad ug pagtuman sa mga tinguha niini alang sa kaayohan sa dakbayan sa Davao ilabina na sa una nga distrito.
Nanghinaot usab ang kanhing suod nga higala ni Cong. Pulong nga ang katungdanan ug pasalig sa serbisyo makahatag og malungtaron nga kaayohan sa mga Dabawenyo nga ilahang gihigugma.
Apan ang maong tubag, miani og nagkadaiyang interpretasyon, adunay nag-ingon nga kini simbolo sa pagka-prangka sa Kongresista ug giisip kini nga adunay lawom nga kahulugan.
Sa pagkakaron, wala pa’y gipaguwa nga tubag ang bahin ni Konsehal Small Abellera.
Kahinumduman nga nagsugod ang panagbangi sa naila nga managsuod nga higala human sa isyu nga adunay kalambigitan sa mga palusot nga kontrabando sumala pa nga niabot pa sa senado ang gihimong imbistigasyon.
