Pang. Marcos, nagbahad sa mga opisyal sa DPWH kabahin sa pag-repair sa San Juanico Bridge

Gihatagan ni Pangulong Bongbong Marcos Jr.og ultimatum hangtod Disyembre ang mga opisyal nga responsable sa pag-ayo sa San Juanico Bridge.

Matod sa Pangulo, kinahanglan nga maagi-an na sa mga sakyanan nga adunay gibug-aton nga hangtod 12 ka tonelada ang tulay sa dili pa matapos ang tuig, gikan sa kasamtangang three-ton load limit.

Kahinumduman nga gilimitahan ang mga sakyanang makalabang sa 53-anyos nga tulay nga nagkonekta sa Samar ug Leyte tungod sa retrofitting project nga ginapatuman sa Department of Public Works and Highways (DPWH).

Pagbahad pa sa Pangulo ngadto sa opisyal nga kung dili niini matuman ang iyahang mando, posibling matanggal sila sa katungdanan.