Nahulog sa kanal ang usa ka pampasaherong jeep sa Lacson, Calinan, ning syudad kagahapong adlawa, human kini masangit kini sa dalan gumikan gilamoy sa baha tungod sa kusog nga ulan.
Subay sa inisyal nga impormasyon, nagbiyahe matud pa ang jeep padulong sa sentro sa Calinan apan nawad-an og kontrol ang drayber human misaka ang tubig-baha sa tunga-tunga sa dalan.
Nadiskaril kini ug nasudlan sa tubig, hinungdan nga nahulog kini sa kanal.
Hinuon walay naangol nga pasahero sa insidente apan aduna’y gamayng kadaot sa sa maong jeep.
Naghangyo karun ang mga residente nga butangan og warning signs o barrier ang maong lugar nga sagad bahaonon.
Gipasidan-an sab ang mga drayber ug pasahero nga mag-amping sa dalan ug likayan ang pagbiyahe sa mga lugar nga sagad bahaon ilabi na kon padayon ang pag-ulan.
Gihangyo sab ang lokal nga barangay sa Lacson nga maghimo og preventive measures aron malikayan ang susamang insidente.
