Gipasidunggan sa Davao City Police Office (DCPO) ubos sa pagpangulo ni PCol. Hansel M. Marantan, Acting City Director, ang Police Station 10 kon Calinan PNP nga gipangulohan ni PMaj. Robel B. Saavedra, tungod sa malampusong buy-bust operation nga misangpot sa pagkaaresto ni alyas “Goryo”, nga Top 8 Regional-Level High-Value Individual (HVI), ug sa iyang live-in partner.
Nahitabo ang operasyon niadtong Hunyo 10, 2025, alas 12:52 sa udto, sa daplin sa karsada sa Purok 1A, Barangay Biao Joaquin, Calinan District, Davao City.
Nasakmit sa mga otoridad ang gituohang shabu nga nagkantidad og PHP 1,054,000.00.
Kini nga kalampusan nagpamatuod sa lig-on nga panaghiusa tali sa DCPO, lokal nga mga opisyal, ug sa komunidad sa pakigbatok sa iligal nga droga.
Sumala pa sa kapulisan nga mahimong makab-ot ang usa ka luwas ug drug-free nga Davao pinaagi sa padayon nga pagbantay ug panaghiusa sa katawhan.
