Andam na ang Davao City Police Office (DCPO) sa pagpatuman og hugot nga seguridad alang sa umaabot nga “Green Rise Action diin usa ka kadaugan og thanks giving celebration” karong Domingo, Mayo 18, 2025, sa Davao City.
Sigon ni Police Captain Hazel Caballero Tuazon, ang tigpamaba sa DCPO, nga gihingusgan nila ang kahandam sa mga personaheng ipakatap aron masiguro ang kahapsay ug kalinaw sa maong aktibidad. Gisiguro sa kapulisan nga walay mahitabo nga kadaut o kalit nga kagubot sa tibuok selebrasyon.
Gipahayag usab ni Capt. Tuazon nga ang ilang suporta sa aktibidad usa ka paagi sa paghatag og seguridad sa publiko, ilabina sa mga nanambong nga nagsaulog sa kadaugan sa mga mananaog sa 2025 Midterm Elections. Samtang nanghinaut ang DCPO nga ang kalihokan magpadayon nga malinawon ug organisado uban ang kooperasyon sa katawhan.
