Gikondena sa embahada sa China sa Pilipinas ang alegasyon nga sila sumala pa nanghilabot sa eleksyon sa nasud. Kini ang misunod nga reaksyon human masikop ang usa ka giingong Chinese spy atubangan sa buhatan sa Commission on Elections (COMELEC).Sumala sa embahada, sila matinud-anon nga nagtug-an sa ilang tinuod nga katuyoan ug nagpakita og pagtahod sa mga balaod nga gipatuman sa matag nasud.
Gibutyag pa niini nga ang maong alegasyon gipaguwa lamang sa pipila ka mga politiko alang sa ilang kaugalingong katuyuan. Gipasalig pa sa embahada nga wala gayuy interes ang China nga manghilabot sa eleksyon sa Pilipinas.
Kahinumduman nga nasikop ang 47-anyos nga si Tak Hoi Lao, diin nakuha gikan sa iyang kustodiya ang usa ka International Mobile Subscriber Identity (IMSI) catcher, usa ka gamit nga makadakop og mga komunikasyon sa telepono.
