-- ADVERTISEMENT --
Mipadayag og kagul-anan si US President Donald Trump sa madugoong pag-atake nga gihimo sa Russia batok sa Ukraine. Matod ni Trump, kinahanglan na nga hunongon sa Russia ang ilahang mga pag-atake. Nanawagan usab siya kang Russian President Vladimir Putin nga hunongon na ang pagpanglupig sa Kyiv.
Subay sa mga report, mokabat sa 5,000 ka mga sundalo ang namatay matag semana tungod sa nasampit nga giyera. Sa labing ulahi nga mga panghitabo, gisulong sa Russia ang 13 ka mga lugar sa Kyiv nga miresulta sa kamatayon sa 12 ka mga tawo ug pagka-angol sa 90 pa ka mga sibilyan.
Gibutyag usab nga nagapadayon ang Estados Unidos sa papel niini isip mediator kon tigpataliwala aron maduso ang panaghisgot sa kalinaw tali sa Russia ug Ukraine.
