Mokabat sa kapin 1.3 milyon pesos ang nakumpiska nga iligal nga droga kon shabu atol sa gilusad nga drug buynust operation sa mga kapulisan. Subay sa report sa mga otoridad, giila ang dinakpan nga si alias “Bai’ 28-anyos, usa ka drayber sa traysikol.
Nadakpan ang nahisgutan sa Ecoland Subdivison, Brgy.76-A, Bucana ning syudad pasado alas Otso kagabii.Nasayran nga unang napalitan ang suspek og usa ka pakete sa shabu nga nagkantidad og 53,000 pesos. Apan sa dihang gihiling ang gamay nga bag, nakumpiska pa ang managlahing gidak-on sa pakete sa iligal nga droga.
Sa kinatibuk-an anaa sa 1, 328,000 ang kantidad sa gituohang shabu nga nakumpiska sa mga otoridad. Samtang nakuhaan usab ang suspetsado ug usa ka .38 nga rebolber nga adunay mga bala. Kasong pagsupak sa RA 9165 tungod sa iligal nga droga ug ang kaso nga pagsupak sa RA 10591.
