Mikatag ang video sa social media, diin adunay usa ka lalake ang naangol human nga nagpalatay kini sa ligid sa usa ka Pick-up truck sa C.P. Garcia Highway, Angliongto, ning dakbayan.
Sumala pa sa inisyal nga taho, giila ang maong lalakeng nagpalatay mao si alyas Frederick, diin residente sa Dela Peña Village, Brgy. Cabantian ning syudad, nga nasayran sab nga aduna matud pa kini deperensya sa pangisip.
Samtang ang maong sakyanan usab, gipanag-iyahang ni alyas Don, 24-anyos.
Makita sab sa maong video nga mikatag online, mituyo matud pa og higda ang maong lalake nga si Frederick sa kilid nga bahin sa maong sakyanan aron nga magpaligis kini.
Wala sab kini nabantayan dayon sa driver, rason nga nalatayan kini sa ligid hinungdan sa pagkaangol sa maong lalake.
Dali sab kining girespondehan sa emergency team ug gilayong gidala sa Southern Philippines Medical Center, aron matambalan.
