Gideklara ni Presidente Ferdinand “Bongbong” Marcos Jr. karong adlawa, isip regular holiday sa tibuok nasud aron sa pagsaulog sa Eid’l Fitr, ang pagtapos sa Ramadan.
Ang maong deklarasyon gipagawas ubos sa Proclamation No. 839 nga gipirmahan kaniadtong Marso 20. Kini nagsunod sa rekomendasyon sa National Commission on Muslim Filipinos (NCMF), nga nagmugna og sugyot sa nasodnong holiday sa Marso 31 o Abril 1. Sumala sa proklamasyon, ang paghatag og holiday nagpalawom sa katuyuan sa Eid’l Fitr sa nasudnong panglantaw og naghatag ug higayon sa tanang Pilipino nga makig-uban sa ilang mga igsoong Muslim sa pagsaulog niini.
Ang maong holiday nahisubay sa Republic Act No. 9177, nga nag-amenda sa Executive Order No. 292, nga nagdeklara sa Eid’l Fitr isip opisyal nga national holiday. Gani, ang Eid’l Fitr usa ka halangdong adlaw sa mga Muslim nga nagtimaan sa kataposan sa balaang bulan sa Ramadan, diin ang pagpamalandong, pagpuasa, ug pag-ampo ang gipatigbabaw.
