Gikabutyag nga nakamugna ug herbal nga tableta ang mga researcher sa University of the Philippines (UP) batok sa diabetes ginamit ang mga nag-unang compound gikan sa mga tanom nga makaplagan sa Pilipinas.
Mamahimo kunong available sa merkado ang nahisgutang invention sa umaabot nga panahon nga mitanyag ug baratong alternatibong pagtambal sa diabetes. Ubos sa Tuklas Lunas program sa nahisgutang unibersidad, ang nahisgutang herbal nga gimugnang tableta, ang mitabang sa pag-regulate sa sugar sa dugo ug nakatabang nga malikayan ang pagtaas sa blood sugar nga mamahimong mupadulong sa komplikasyon.
Dugang pa sa mga researcher nga ang nahisgutang produkto ang mamahimong mopugong sa pagtaas sa glucose sa lawas sa tawo ug mosobra sa 50%. Ang diabetes ang usa sa nag-unang hinungdan sa kamatayon sa mga Pilipino ug hataas ang gasto sa pagpatambal niini nga lisod sa mga kabus nga pasyente.
