Kuha sa video ang usa ka traffic enforcer nga sakop sa City Transport and Traffic Management Office (CTTMO) ug usa sab ka traysikol driver nga nagsinumbagay sa Obrero, ning syudad, kagahapong adlawa petsa 3 ning bulan sa Marso.
Subay sa maong video, makita nga miuna og sumbag ang enforcer ngadto sa traysikol driver, samtang anaa kini sa init niining panaglalis.
Sumala pa sa mga nakakita, nagsugod sumala pa ang maong panagbingkil sa duha, sa dihang ang driver sa maong traysikol, misulay og cut sa traffic diin maoy rason nga gisita gilayon kini sa enforcer.
Nasayran sab nga ang maong area, maoy sagad gayod nga bug-at ang dagan sa trapiko, gumikan anaa kini duol sa usa ka tulunghaan.
Sa karun, wala pa nagpadangat og tubag ang buhatan sa CTTMO labot sa gikalambigitang panghitabo sa ilahang enforcer.
