Mokabat sa kapin 200 ka mga punuan sa tanom nga Marijuana ang gipang-ibot sa mga otoridad human nga gipangronda kini pasado alas Singko sa hapon.
Subay sa report sa Cateel Municipal Police Station, usa ka joint operation ang gipahigayon nga gilangkuaban sa 2nd DOPMFC Drug Enforcement Unit (DEU)/ Special Operation Unit, 1103RD Manuever Company, RPSB Cluster 3, CAA Delta Company 67th IB, PDEA Davao Oriental, 1st DOPMFC ug RIU PIT Davao Oriental.
Sumala pa sa mga otoridad nga malampuson niining naabot ang hilit nga lugar sa bukirang bahin sa Cateel og positibo nga nakita ang plantasyon sa Marrijuana nga gipangtanom.
Gibutyag sa mga otoridad nga walay naabtan nga responsabli sa pagtanom.
Sa pagkakarun wala pa na ilhan ang responsible sa pagtanum sa maong Marijuana tungod walay mga balay sa maong dapit.
Nasayran nga anaa sa kinatibuk-an nga 250 ka mga punuan sa marijuana nga nagkantidad og P50,000.
Sa karon nagpadayon pa ang gihimong pag-ila sa mga otoridad kung kinsa ang nagpaluyo sa pagtanom sa mga punuan sa marijuana.
