Subling nanawagan ang mga supporter ni VP SARA atol sa gipahigayon nga indignation rally sa Roxas, Freedom park, kagahapong adlawa.
Gisugdan kini pinaagi sa usa ka Holy Mass alas 3 sa hapon, sa Sacred Heart of Jesus Parish sa Obrero, ug gisundan sa usa ka motorcade alas 4 sa hapon, gikan kini sa F. Torres St., Padulong sa Roxas Freedom Park.
Human sa maong motorcade opisyal na nga gilusad ang #ProtectVPSara coalition uban ang ilang mga gipang imbeta nga mga bisita susama ni Atty. Israelito Torreon, kanhi broadcaster nga si Jun Blanco, Deputy Mayor Gabriel Nakan ug mga nagkadaiyang musician ug artist. Gitambongan usab kini sa mga supporter nga gikan sa Davao Del Sur.
Samtang nagpadayag usab sa iyang supporta si Kanhi Mindanao Development Authority (MinDA) Chair Maria Belen “Mabel” Acosta.
Kahinumdoman, nga gipalagpot kini sa administrasyon ni Pangulong Marcos Jr. gumikan gihulipan kini og laing opisyal bisan paman nga gibarogan ni Acosta nga nahisubay ang pagtuboy niini sa balaod.
Sumala pa ni Acosta nga, dili sumala pa angay pasagdan ang 32Milyon nga mga botante nga nibotar kang VP sara ug kinahanglan nga ipadayon ang pagpakita og supporta alang sa VP Presidente.
Sa laing bahin, gipasigugda ni Randy Usman, ang Convenor sa #ProtectVPSara Coalition, ang panawagan na angay lamang nga mag “Gracefully Exit” si PBBM aron mahuman ang kagubot sa politika.
Sumala pa ni Usman, nga anaa sa 1,500 to 2, 000 ka mga supporters ang mitambong sa maong aktibidad.
Dugang pa niini, nga padayon nila nga paningkamotan aron hingpit nga makamata ang publiko ug masabtan usab sa katawhan ang ilang tumong.
Magpadayon sumala pa nga magkahiusa ang supporters ni VP Sara ug ilang gipasabot nga dili sila muundang sa pagpahayag sa ilang baruganan ug ilang gipadayag nga paningkamutan niini ang usa ka mahinungdanon nga lakang ug andam nga musupak sa bisan unsa nga paghitabo nga ilang tanaw dili patas ug dili maka tarungan alang sa katawhan ug ilabi na kang VP Sara Duterte.
Samtang sa laing bahin, ang Davao City Police Office kon DCPO nag deploy usab og 191 ka polisan nga gibutang sa nagkadaiyang bahin dinhi sa dakbayan ilabi na sa maong venue ug kasikbit nga kadalanan aron masiguro ang kahapsay ug seguridad sa kalihukan.
