Ugdaw ang usa ka dos andanas nga panimalay banda alas 10 kagahapong adlawa sa Daang Patnubay St. Sandawa, phase 1 ning dakbayan sa Davao.
Sumala pa sa usa ka tagtungod sa panimalay, nabiyaan nga charger sa cellphone ang maong rason sa pag-ulbo sa sunog diin nag-overcharge kini ug mibuto.
Dugang pa niini mga matud pa ang nagagamit niini kaniadtong tungura mao ang 18-anyos nga pag-umangkon niini nga dunay special needs diin kaniadtong tungura wala nabantayan.
Kaniadtong tungura usab nangaligo ang duha ka mga senior citizens sa giingong panimalay diin paggawas nakita na niining mikuyanap na ang kalayo.
Subay sa inisyal nga imbestigasyon sa Bureau of Fire Protection XI, gama usab sa kahoy o light materials ang maong balay apan gilayon kining narespondihan sa kabomberohan.
Ang maong panimalay nga gipanag-iyan sa Carillo family ginapuy-an sa 12 ka mga miyembro sa managlahing 3 ka pamilya.
Gikanayon sa otoridad nga walay gikatahong namatay sa maong pag-ulbo sa sunog apan napaso usab ang duha ka mga senior citizens sa tagtungod sa panimalay.
Sa karun, ginasayod pa ang kinatibuk-ang damyos sa panghitabo ug padayon pang gina-assess sa BFP XI ang maong panghitabo.
