Mokabat sa 232 ka mga kanhing rebelde ang mitahan sa ilahang kaugalingon ngadto sa mga kasundaluhan ilawom sa 10th Infantry Division sukad niadtong 2024.
Subay sa gipaguwa nga impormasyon sa mga kasundaluhan, gipresenta kagahapong adlawa ang 189 ka mga regular nga mga rebelde ug adunay 43 ka mga myembro sa Militiang Bayan.
Gawas sa ilahang pagtahan sa kaugalingon, dala usab niini ang mga armas nga mokabat sa 111 sa mga nagkadaiyang armas nga gilangkuban sa 64 ka mga high-powered fire-arms ug 47 ka mga low-powered weapons.
Ang maong seremonya, gitambugan ni Secretary Anton Lagdameo Jr., ang special assistant to the president, nga nagsilbing guest of honor and speaker.
Samtang lakip usab sa mga mitambong atol sa seremonya mao si Lt. Gen. Rex Luis Bergante, commander sa Eastern Mindanao Command, Maj. Gen. Allan Hambala, commander of the 10th Infantry Division, Brigade ug Battalion commanders ilawom sa 10th ID, ug uban pang mga opisyal sa mga kasundaluhan ug kapulisan.
