Dead on arrival sa ospital ang usa ka batan-ong lalaki nga sumala pa nag-exhibition sa iyahang pagmaneho ug motor nga mas naila sa tawag nga nag-“superman”.
Subay sa report gikan sa tagum PNP naila ang biktima nga si alias Angelo, 20-anyos nga nagpuyo sa Purok.
Dancing Lady, Brgy. San Agustin dakbayan sa Tagum.
Sa gihimong imbistigasyon sa kapulisan, nahiatabo ang ang disgrasya sa Bypass road, Brgy. Mankilam nga ang biktima nagmaneho sa iyahang motorsiklo nga padulong sa Brgy. La Filipina apan kalit na lamang sumala pa nga nahaybol human nga nawad-an og kontrol tungod sa kusog nga dagan sa motorsiklo.
Gumikan sa maong panghitabo, nabunal sa semento nga karsada ang biktima nga maoy hinungdan sa iyahang pagka-angol.
Nasayran nga atol sa maong panghitabo nabangga pa kini sa kadungan nga pick-up.
Human sa maong panghitabo, gilayon nga gidala ang biktima sa ospital samtang ang motorsiklo niini ug ang pick-up, ingon man ang drayber ang gidala usab sa kwerpo sa kapulisan.
