Giawhag sa Davao City Business Bureau ang mga taxpayers nga magparehistro o mag-renew na sa ilang business permits sa wala pa ang deadline karong Enero 31 aron malikayan ang kagout sa mga lugar nga adtoan alang sa aplikasyon kung ugaling mag bayad kini sa ulahi na nga adlaw.
Gipahayag ni Business Bureau Officer-In-Charge Maribel Paguican nga sulod sa 12 ka adlaw nga operasyon sa BPOSS o Business One Stop Shop, adunay 29,148 pa lamang ka taxpayers ang nakaprinta sa ilang renewal forms, sobra tunga pa lamang sumala pa sa ginalaoman sa ahensya nga kapin 49,000 ka mga taxpayers nga mag-renew sa ilang permits, lakip na niini ang mga wala mahuman og proseso niadtong miaging tuig gumikan sa holiday season.
Gipahibalo usab niini ang mga lugar nga adtoan sa mga negosyante kon taxpayers alang sa pag-renew, sa First District mamahimo moadto sa Sangguniang Panlungsod building, ang mga taga-Talomo District sa Almendras Gym, ang taga-Calinan District sa Calinan Gym, ang taga-Buhangin District mamahimo muadto sa Gaisano CityGate Mall, ug ang mga taga-Toril, Tugbok, Baguio, ug Marilog mamahimo kini muadto sa ilang nagkadaiyang district treasury offices.
Sumala pa niini, nga walay dugang requirements sa renewal, dad-on lamang matud pa ang permit aron ma-encode sa Business ID.
Dugang pa niini, nga walay problema ang record gumikan dali ra nga mapagawas ang application. Apan, kung adunay sumala pa ‘deficiencies’ o violations sa ubang opisina, kinahanglan una kini bayaran.
Nagpahimangno kini nga kinahanglan na mulihok ang mga negosyante gumikan pag abot sa bulan sa April mag ocular inspection na sumala pa sila ug adunay P100 penalty matag adlaw alang sa mga walay permit.
Dugang pa ni Paguican nga gihatagan sumala pa sa ahesnya og igo nga panahon ang mga taxpayers aron makabayad, gani gipatas-an pa sa ahensya ang oras sa operasyon niini ilabi na sa Enero 31.
Ang Business Bureau magpababilin nga abli sa enero 31 hangtod alas-10 sa gabii sa Sangguninag Panglungsod building ug sa Almendras, samtang ang City Gate, Buhangin hangtod alas-8 sa gabii ug ang Calinan, Toril, ug Tugbok hangtod sumala pa alas-7 sa gabii, ug ang Paquibato, Baguio, ug Marilog hangtod alas-5 sa hapon.
